Forord
Arbeidet med sogeverket om gardar, bustader og folk på Sula nærmar seg no fullføring. Med dette legg vi fram fjerde bandet av Sula-soga.Band 4 omfattar området frå og med Vågneset til og med Fyllingen. I forordet til andre band­et gjorde vi greie for at vi måtte endre planane om fire band til fem. Grunnen var som det stod den gongen at «Ut frå ei samla vurdering av stoffmengda som det etter kvart viser seg vi kjem opp i, og for å oppnå ein jamnare storleik på kvart band, har styret for stiftelsen kome til at verket må aukast til 5 band. Dermed får resten av verket ei noko endra inndeling i høve til det som opphaveleg var tenkt.»Også i arbeidet med band 4 har arbeidsgruppa hatt verdfull hjelp til å identifisere gamle bilete av ei gruppe lokalkjende folk i dei ulike bygdelaga som dette bandet omfattar. Liste over desse kjem i siste bandet.For dette og siste bandet har den faggruppa som har arbeidd med innhaldet i verket ein ny medarbeidar, Kari Hasle, som har fungert som biletmedredaktør.Elles viser vi til forordet i første bandet.